Customer Reviews
TENS tækið gerði svo mikið fyrir mig daginn sem ég fæddi son minn í mars. Fæðingin var mjög hröð og óvænt heimafæðing þar sem eina verkjastillandi sem ég fékk var þetta tæki.
Ég notaði það alveg frá fyrsta væga verki þangað til að ég byrjaði að rembast. Mjög einfalt í notkun og frábært hvað styrkurinn fer hátt upp svo það var einfalt og þæginlegt að hækka styrkinn i takti við verkina. BOOST var frábært í hríðunum og svo gagnlegur að tækið tekur tímann á lengd og millibili á hríðunum.
Ég var smá efins um hvað þetta myndi gera fyrir mig en vá hvað ég ætla að leiga mér aftur svona tæki ef/þegar ég eignast næsta barn.
Mæli með þessu fyrir alla sem eru barnshafandi.
Ég notaði TENS tækið hjá henni Hörpu í minni fæðingu og fannst það algjörlega ómissandi. Ég mæli svo sannarlega með þessu TENS tæki fyrir allar konur í fæðingu. Ég byrjaði að nota það frá fyrstu hríðum og fann strax mikinn mun á að vera með það í hríðunum, tækið gerði þær einhvern veginn mikið bærilegri. Tækið sjálft er líka mjög þægilegt í notkun. Ég mun klárlega nota TENS tækið aftur í næstu fæðingu.
Ég leigði TENS tækið eftir að hafa kynnt mér það aðeins, ég mun klárlega gera það aftur.
TENS tækið er mjög einfalt í notkun og hjálpaði mér rosalega mikið í minni fæðingu.
Ég var með það á í rúma 48 tíma og tók það af bara rétt undir lokin þegar ég fór í baðið.
TENS tækið hjálpaði mér að slaka á og verkjastilla í samdráttum.
Ég mæli hiklaust með TENS tækinu.
Ég eignaðist stelpu í nóvember í heimafæðingu en hún er okkar þriðja barn. Þetta er fyrsta fæðingin þar sem ég prufa Tens tækið. Ég var með tækið á mér frá byrjun og næstu 5-6klst eða þangað til ég fór ofan í vatnið. Í öllum mínum fæðingum hef ég kastað upp um leið og hríðar harðna og verið óglatt frá nánast fyrstu hríð. Það sem kom mest á óvart með Tens tækið var að ég fann ekki fyrir neinni ógleði fyrr en tækið var farið af og stuttu síðar byrjaði ég að kasta upp. Það virðist því vera í mínu tilfelli að Tens tækið hafi bæði aðstoðað mig við verkina og einnig ógleðina. Ef ég myndi eignast fleiri börn þá myndi ég óska eftir því að hafa Tens tækið aftur. Bestu kveðjur, Aðalbjörg
Ég gæti ekki mælt meira með TENS fyrir allar verðandi mæður.
Fæðingarferlið mitt var langt, samdrættir byrjuðu viku áður en fæðingin átti sér stað og byrjaði ég strax á fyrsta degi samdrátta að nota tækið.
Tækið sem Ljósmæðralagerinn leigir út er ótrúlega einfalt og þæginlegt í notkun. Maður getur labbað um, legið, setið á bolta og tekið tækið með sér allt sem maður fer.
Eftir viku af samdráttum og TENS notkun get ég sagt að það breytti öllu fyrir mig að hafa byrjað að nota tækið snemma.
TENS gerði samdrættina mun bærilegri, það veitti mér ákveðið öryggi og mér fannst ég geta treyst mjög á tækið. Það hjálpaði mér mikið í gegnum verstu samdrættina.
Ég átti langa og fremur erfiða fæðingu og TENS tækið var mér innanhandar frá komunni á fæðingardeild, sleitulaust í 14 klukkustundir.
Mér líkaði ekki glaðloftið og fannst ég betur getað notað TENS til að anda mig í gegnum samdrættina. TENS veitti mér mikla verkjastillingu og seinkaði klárlega frekari inngripum hjá mér.
Eins og ég sagði fyrst mæli ég hiklaust með notkun TENS fyrir fæðingar.
