TENS tæki til leigu
TENS tæki til leigu
Tækifæri til verkjastillingar í fæðingu án lyfja, hvort sem það er bara til að létta á fyrstu metrunum eða fylgir þér í gegn um fæðinguna. Lágtíðni stilling tækisins hvetur líkamann til framleiðslu náttúrulegra endorfína og hátíðni stilling í hríð truflar verkjaboð til heilans. Saman vinna þessar tvær aðferðir TENS fæðingatækisins að því að lækka verkjaupplifunu, auka sjálfstraust og sjálfræði í fæðingunni
Athugið að einstaklingar með gangráð eða hjartsláttar óreglu geta ekki notað TENS tækið.
Hvað er í pakkanum ?
- TENS fæðingatæki
- 1 sett af TENS sérhæfðum blöðkum fyrir fæðingu
- Batterí og auka batterí
- Ól til að hafa tækið um hálsinn
- Tvær rafleiðslur
- Þægileg taska utan um tækið og fylgihluti
- Umhverfisvænar endurnýjanlegar umbúðir
Fyrirkomulag leigunnar:
Þú bókar tæki fram í tímann til að tryggja að tæki sé laust þegar þú þarft á því að halda. Þú velur daginn sem meðganga nær 37.vikum. Tækið er sent af stað vikuna á undan. Leigan er að hámarki 6 vikur. Þegar þú hefur nýtt tækið til fulls sendir þú það til baka með sama hætti og þú fékkst það. Einnig er hægt að sækja og skila tækinu í Björkina, Síðumúla 10. Fyrir hverja byrjaða viku sem tækinu hefur ekki verið skilað eftir að leigutíma líkur, eru rukkaðar 2.290 kr.
Nánar um notkun TENS í fæðingu
Deila
Mig hefði aldrei grunað hversu mikið tens tæki gæti hjálpað mér í gegnum fæðinguna!
Ég fæddi mitt annað barn BARA með því að nota öndun og tens tækið. Ég setti það á mig eftir að vatnið fór og samdrættirnir urðu harðari. Tækið tók toppinn af verstu hríðarverkjunum og gerði þá miklu bærilegri. Ég var með ákveðið plan um verkjastillingu í fæðingunni en endaði á því að þurfa ekki neitt nema tækið. Magnað. Myndi klárlega mæla með tækinu fyrir allar - og þjónustan hjá Ljósmæðralagerum var upp á 10.
Ég fann ekki fyrir neinum samdráttarverkjum fyrr en ég var komin með 5-6 cm í útvíkkun og TENS tækið bjargaði mér svo mikið í keyrslunni upp á spítala og þar til ég fékk mænudeyfingu 2 tímum seinna. Ég mun klárlega leigja aftur tæki með næsta barn!
Mæli svo með! Hafði mátulegar væntingar til tækisins en vá hvað það hjálpaði í fæðingunni. Var fyrirfram handviss um að ég þyrfti mænudeyfingu en endaði á að þurfa ekki. Góð þjónusta og algjör snilld að leigutíminn er 37-42v þar sem barnið ákvað að láta sjá sig við 37+1.
Eignaðist mitt fyrsta barn núna í júlí og var ákveðin að nota TENS eftir að hafa heyrt góðar sögur. Ég fann mikinn mun á því að nota það og fannst það bjarga mér alveg. Mæli mikið með!
Frábært tæki sem ég notaði frá fyrstu hríðum og í gegn um alla fæðinguna. Myndi hiklaust nota aftur og mæli með.