Umsagnir

Frábært tæki sem ég notaði frá fyrstu hríðum og í gegn um alla fæðinguna. Myndi hiklaust nota aftur og mæli með.

Frábær verkjastilling. Trúi ekki að ég hafi ekki verið með þetta í fyrri fæðingunni minni. Mæli með!

Ég hef notað tenstæki við 2 heimafæðingar og get ekki imyndað mér að sleppa þvi. Það sem ég lærði lika að nota það við samdrætti eftir fæðingu, það var life saver. Mæli hiklaust með að prófa allavega☺️

The Tens machine was amazing ! I had very painful back contractions during my first labour that made it impossible to sleep or rest (I entered then the labour exhausted and the birth was difficult). But this time, I had this amazing tools, helped so much with the contractions and felt even more efficient than the epidural. Definitely recommend it

Ég var ekki með TENS tæki í fyrri fæðingu og ákvað að prófa núna með barn nr 2 og vá hvað ég er þakklát fyrir að hafa tekið þá ákvörðun. Þetta TENS tæki bjargaði mér og gerði upplifunina af fæðingunni ennþá betri. Það er svo valdeflandi að geta ýtt á einn takka fyrir boost þegar hríðin er að koma! Ég gat tekið nánast alla útvíkkunina heima þökk sé TENS. Mæli 100% með og ég mun allan daginn koma til með að leigja tækið aftur fyrir næstu fæðingu.

Átti mitt fyrsta barn nýlega og var stefnan að fæða á fæðingarheimili. Var búin að kynna mér TENS tækið og notaði það sem eina verkjastillandi. Ætlaði að reyna að vera heima eins lengi og eg gæti og fannst frábært að geta byrjað að nota það þar strax þegar ég byrjaði að fara í gang. Ég fór frekar hratt af stað og þökk sé TENS gat ég verið heima þangað til það voru bara 1-3 min á milli hríða.
Fannst gott að nota tækið til að mæla tímann á milli hríða, en líka til að dreifa huganum þegar hríðin kom.

Ég var í næstum 4 daga með hríðar og var með TENS tækið allan tímann. Fékk mjög kröftugar og reglulegar hríðar strax og tækið bjargaði mér. Það hjálpaði mér að dreifa huganum því ég var að einbeita mér að öndun meðan ég booztaði. Ég afþakkaði alla deifingu og tímdi ekki einu sinni að fara í bað því þá þurfti ég að taka TENS af😅 Og ég sá alltaf fyrir mér að fæða í baði en þar sem TENS hjálpaði mér svo gríðarlega í gegnum verkina þá vildi ég ekki sleppa því. Hef mælt með TENS við allar óléttar konur í kringum mig og ég mun ekki hika við að leigja aftur tæki fyrir næstu fæðingu🩷
Ég var hrædd við allt inngrip (t.d mænudeyfingu) og vildi reyna að sleppa við það og ég var svo heppin að ná stjórn á verkjunum með tækinu að það tókst🩷

Tens tækið hjálpaði mér mjög mikið í fæðingunni og var ég með það á mér alveg þar til ég fór að rembast. Það var bæði róandi og valdeflandi að hafa eitthvað í höndunum til þess að aðstoða mann í gegnum hríðarnar.

Eftir erfiða og langa fæðingu með fyrsta barn ákvað ég að leigja tens tækið fyrir fæðingu barns númer tvö og þvílíka snilldin! Ég var búin að fæða 4 tímum frá fyrsta verk en ég hafði haft miklar áhyggjur af því að þurfa keyra tæpan klukkutíma á spítalann en verkirnir voru vel bærilegir vegna tækisins og ég tók það aldrei af mér í fæðingunni! Ég fórnaði meira að segja baðinu því ég týmdi alls ekki að missa tækið af mér. Ef ég fæði fleiri börn mun ég hiklaust leigja tækið aftur því ég get ekki hugsað mér að vera án þess!

Ég eignaðist mitt fyrsta barn fyrir stuttu síðan. Ég var búin að kynna mér aðeins Tens tæki þegar ég var ólétt og tók ákvörðun um að leigja slíka græju hjá ljósmæðralagernum fyrir mína fæðingu. Ég er svo þakklát fyrir að hafa verið með Tens tækið í þessu fæðingarferli! Tens tækið var það eina sem ég notaði sem verkjastillandi. Ég byrjaði að nota það strax frá fyrsta alvöru verk og var með það á mér alveg þangað til ég fór að rembast. Ég kláraði alla útvíkkun heima með Tens og barnið kom svo í heiminn stuttu eftir komuna á spítalann. Ég var reyndar líka með fæðingarkambana frá ykkur og var það líka fínasta huggun í hríðunum! Ég mun klárlega mæla með Tens við fólkið í kringum mig!

Sendi Hörpu skilaboð eftir tvær verkjaðar nætur, hún svaraði strax og ég var komin með tækið á innan við klst. Var svo með það á mér í nokkra klukkutíma, alveg þar til ég fæddi barnið. Tens tækið var algjör leikbreytir í gegnum hríðarnar og ég vildi óska þess að ég hefði haft svona tæki í hinum fæðingunum mínum. Það var frábært að geta mælt tíma á milli verkja og lengd þeirra. Tækið ætti að vera staðalbúnaður á öllum fæðingarstöðum. Svo kom það sér vel til að meðhöndla samdráttarverki og stífar brjóstagjafaraxlir.

Mæli 100% með! Byrjaði að nota TENS tækið um leið og hríðar byrjuðu. Frábær verkjastilling í alla staði í útvíkkunarferlinu, komst í 8 í útvíkkun með því að nota einungis TENS en þurfti síðan að taka það af mér þar sem ég fór í bað, hefði annars haft það allan tímann.

Það er Tens tækinu að þakka að ég komst í gegnum mína fyrstu fæðingu, mesta snilldin og þakklát að hafa tekið ákvörðun að hafa það meðferðis ❤️

Bjargaði mér alveg í hríðunum en þetta var eina verkjastillingin sem ég notaði í fæðingunni og þetta var mín fyrsta fæðing.

Ég notaði Tens tækið í fæðingunni minni (fyrsta fæðing) frá fyrsta verk og hefði ekki getað verið án þess! Það virkaði svo vel að þegar ég mætti á fæðingarstað var ég komin með 6 í útvíkkun og barnið mætt tæplega 3 klst síðar! Hjálpaði rosalega í útvíkkunartímabilinu! Myndi klárlega mæla með og leigja aftur í næstu fæðingu!

Fyrst og fremst mjög góð þjónusta. Ég var svolítið sein að redda tens tæki en Harpa var svo yndisleg og reddaði mér tæki. Ég mæli svo mikið með að hafa tens tæki í fæðingu. Tækið minnkaði verkina mjög mikið!
Ég mun klárlega leigja tens tæki aftur fyrir næstu fæðingu.

Notaði Valkyrju frá fyrsta degi og fékk aldrei sár🤞🏽 finn mikinn mun ef ég tek þá í burtu, hafa bjargað mér alveg í brjóstagjöfinni (hef ekki notað nein krem eða annað með) 🥰 mæli með að splæsa í svona!

Róandi baðsalt með góðri lykt. Gott að vita að það sé sérhannað og öruggt fyrir meðgöngu með náttúrulegum innihaldsefnum.

Byrjaði að nota slitolíuna í kringum 22 viku og hún dugði mér næstum út alla meðgönguna. Olían var mjög fín og fór hratt inn í húðina. Tók smá tíma að venjast lyktinni en eftir nokkra daga var hún orðin hluti af kvöldrútínunni og var mjög næs.

Algjör bjargvættur á meðgöngunni fyrir auma vöðva og sérstaklega í kringum mjóbakið. Gott grip og auðvelt að nota sjálfur eða fá einhvern annan til að nudda sig. Bjóst ekki við því að nuddkúlan myndi virka svona vel en mæli hiklaust með.

Tens tækið hjálpaði svoooo mikið. Byrjaði að nota það snemma heima og hækkaði svo þegar leið á. Það þurfti að taka það af mér þó stuttu áður en barnið fæddist því það var eitthvað að trufla mælingarnar (í höfuðið á barninu). En ég var komin það langt í ferlið að það skipti litlu máli. Mun 100% leiga aftur svona ef ég eignast annað barn.

Frábær þjónusta, pantaði tækið örlítið of seint en Harpa gat reddað mér tæki fyr :).
Þetta var mín þriðja meðganga og fæðing, ég fíla ekki glaðloft svo ég ákvað að prufa Tens tækið. Ég átti frekar hraða fæðingu þannig ég nýtti tækið aðeins í ca 30 mín. Hefði viljað nýta það lengur því þetta er mjög þægilegt þegar fæðingaverkir byrja! Boozt takkinn er lykilinn hann bjargaði mér algjörlega í bílferðinni uppá spítala! En svo átti ég bara um leið og ég var komin inn um dyrnar svo ég nýtti það ekki meira.
Var efins í fyrstu hvort þetta virkaði eitthvað en ég mæli hiklaust með þessu!

Frábærir yfir sárar geirvörtur, hafa algjörlega bjargað mér. Mæli með :)

Tens tækið var frábær verkjastilling í hröðu heimafæðingunni minni. Var með tækið frá fyrsta verk og þar til ég fór í laugina með 7 í útvíkkun. Boost takkinn var líka algjör snilld!

Algjör snilld. Gott að setja yfir aumar geirvörtur. Ég fékk sár og Valkyrjurnar komu að góðum notum, til að hjálpa við gróanda og ég notaði þær einnig til að hlífa geirvörunum eftir að hafa sett td krem. Það er auðvelt að þrífa þær.