Hóphandleiðsla

Hóphandleiðsla fyrir heilbrigðisstarfsfólk

Fagleg handleiðsla er vettvangur þar sem starfsfólk fær tækifæri til að ræða störf sín í trúnaði með leiðsögn fagaðila. Í hóphandleiðslu fæst oft margþætt sýn á þau verkefni sem fagfólk stendur frammi fyrir.

Í hóphandleiðslu fær hópurinn tækifæri og rými til að kafa í sameiginlega reynslu eða varpa ljósi á aðstæður hvors annars. Tíminn er öruggt rými til að ræða málefni sem upp koma í starfi, gefur tækifæri til að ígrunda tengsl og tilfinningar sem vakna, og getur verið grundvöllur fyrir frekari þroska og nám í faginu.

Tíminn okkar er 90 mínútur 

Fyrir tímann er gott að hugsa:

• hvort það sé einhver hugsun eða spurning sem hefur komið upp hjá þér nýlega
• hvort einhver ákveðinn skjólstæðingur eða fjölskylda hefur snert þig sérstaklega
• hvort það sé eitthvað í vinnunni sem þú heldur áfram að hugsa um þegar þú kemur heim

Vinnan sem fer fram í handleiðslutímunum byggir á "the seven eyed model" sem sýnt hefur góðan árangur í handleiðslu fagstétta sem vinna með fólk og verða fyrir áhrifum af aðstæðum, góðum og slæmum, í lífi annarra.

Mælt er með að heilbrigðisstarfsfólk sæki sér handleiðslu reglulega.  Gott er að setja sér ásetning um 4-6 skipti í hverri törn eða sækja tíma á 4-8 vikna fresti. 

Hægt er að bóka í einstaklingstíma og opna hóptíma hér fyrir neðan.  Fyrir aðrar tímasetningar, handleiðslu á vinnustað eða lokaða hóphandleiðslu hafið samband á info@ljosmaedralagerinn.is eða í síma 546-1610