Sátt með þessi kaup, mun kaupa fleiri pakka til að eiga fram að fæðingu og jafnvel lengur. Mjög bragðgott og milt te.

Ég gæti ekki mælt meira með TENS fyrir allar verðandi mæður.
Fæðingarferlið mitt var langt, samdrættir byrjuðu viku áður en fæðingin átti sér stað og byrjaði ég strax á fyrsta degi samdrátta að nota tækið.
Tækið sem Ljósmæðralagerinn leigir út er ótrúlega einfalt og þæginlegt í notkun. Maður getur labbað um, legið, setið á bolta og tekið tækið með sér allt sem maður fer.
Eftir viku af samdráttum og TENS notkun get ég sagt að það breytti öllu fyrir mig að hafa byrjað að nota tækið snemma.
TENS gerði samdrættina mun bærilegri, það veitti mér ákveðið öryggi og mér fannst ég geta treyst mjög á tækið. Það hjálpaði mér mikið í gegnum verstu samdrættina.
Ég átti langa og fremur erfiða fæðingu og TENS tækið var mér innanhandar frá komunni á fæðingardeild, sleitulaust í 14 klukkustundir.
Mér líkaði ekki glaðloftið og fannst ég betur getað notað TENS til að anda mig í gegnum samdrættina. TENS veitti mér mikla verkjastillingu og seinkaði klárlega frekari inngripum hjá mér.
Eins og ég sagði fyrst mæli ég hiklaust með notkun TENS fyrir fæðingar.

Það er Tens tækinu að þakka að ég komst í gegnum mína fyrstu fæðingu, mesta snilldin og þakklát að hafa tekið ákvörðun að hafa það meðferðis ❤️

Bjargaði mér alveg í hríðunum en þetta var eina verkjastillingin sem ég notaði í fæðingunni og þetta var mín fyrsta fæðing.

Ég notaði Tens tækið í fæðingunni minni (fyrsta fæðing) frá fyrsta verk og hefði ekki getað verið án þess! Það virkaði svo vel að þegar ég mætti á fæðingarstað var ég komin með 6 í útvíkkun og barnið mætt tæplega 3 klst síðar! Hjálpaði rosalega í útvíkkunartímabilinu! Myndi klárlega mæla með og leigja aftur í næstu fæðingu!

Fyrst og fremst mjög góð þjónusta. Ég var svolítið sein að redda tens tæki en Harpa var svo yndisleg og reddaði mér tæki. Ég mæli svo mikið með að hafa tens tæki í fæðingu. Tækið minnkaði verkina mjög mikið!
Ég mun klárlega leigja tens tæki aftur fyrir næstu fæðingu.

Notaði Valkyrju frá fyrsta degi og fékk aldrei sár🤞🏽 finn mikinn mun ef ég tek þá í burtu, hafa bjargað mér alveg í brjóstagjöfinni (hef ekki notað nein krem eða annað með) 🥰 mæli með að splæsa í svona!

Róandi baðsalt með góðri lykt. Gott að vita að það sé sérhannað og öruggt fyrir meðgöngu með náttúrulegum innihaldsefnum.

Byrjaði að nota slitolíuna í kringum 22 viku og hún dugði mér næstum út alla meðgönguna. Olían var mjög fín og fór hratt inn í húðina. Tók smá tíma að venjast lyktinni en eftir nokkra daga var hún orðin hluti af kvöldrútínunni og var mjög næs.

Algjör bjargvættur á meðgöngunni fyrir auma vöðva og sérstaklega í kringum mjóbakið. Gott grip og auðvelt að nota sjálfur eða fá einhvern annan til að nudda sig. Bjóst ekki við því að nuddkúlan myndi virka svona vel en mæli hiklaust með.

Ég notaði Tens tækið nokkrum sinnum í tvær vikur fyrir fæðingu þar sem ég var með mikla bakverki og fannst tækið hjálpa til þegar ég var orðin þreytt á verkjunum. Byrjaði svo að nota tækið um leið og ég missti vatnið og samdrættirnir byrjuðu. Það hjálpaði mér að geta andað í gegnum verkina. Mæli með að nota Tens tæki.

Tens tækið hjálpaði svoooo mikið. Byrjaði að nota það snemma heima og hækkaði svo þegar leið á. Það þurfti að taka það af mér þó stuttu áður en barnið fæddist því það var eitthvað að trufla mælingarnar (í höfuðið á barninu). En ég var komin það langt í ferlið að það skipti litlu máli. Mun 100% leiga aftur svona ef ég eignast annað barn.

Frábær þjónusta, pantaði tækið örlítið of seint en Harpa gat reddað mér tæki fyr :).
Þetta var mín þriðja meðganga og fæðing, ég fíla ekki glaðloft svo ég ákvað að prufa Tens tækið. Ég átti frekar hraða fæðingu þannig ég nýtti tækið aðeins í ca 30 mín. Hefði viljað nýta það lengur því þetta er mjög þægilegt þegar fæðingaverkir byrja! Boozt takkinn er lykilinn hann bjargaði mér algjörlega í bílferðinni uppá spítala! En svo átti ég bara um leið og ég var komin inn um dyrnar svo ég nýtti það ekki meira.
Var efins í fyrstu hvort þetta virkaði eitthvað en ég mæli hiklaust með þessu!

Frábærir yfir sárar geirvörtur, hafa algjörlega bjargað mér. Mæli með :)

Tens tækið var frábær verkjastilling í hröðu heimafæðingunni minni. Var með tækið frá fyrsta verk og þar til ég fór í laugina með 7 í útvíkkun. Boost takkinn var líka algjör snilld!